සැප රියක් නතර විය
පල්ලියේ ඉදිරිපස
විසල් ගේට්ටුව ළග...
ඒ රියෙන් බිමට බට
සුරඟනක් වන් ළඳක්
පිච්ච මල් සුවඳ දී
ඉදිරියට ඇදුනාය...
ඉරී ගිය රෙදි කඩින්
යන්තමින් විලි වැසුන
කුඩා කොලුවෙකුගේ අත
දිගු වුණා ඇය වෙතට
බලාපොරොත්තු ඇතිව
රුපියලේ කාසියක්...
ඒ අඳුරු නෙත් සගල
දෙස බලා නොදුටු සේ
පල්ලියේ දොරටුවෙන්
ඇතුළු විය ඇය විගස...
ගව ලෙනක ලොව දිනූ
දිළිඳු බිළිදා අසළ
දනින් වැටුනාය ඇය
මහත් අභිමානයෙන්
මහත් වූ භක්තියෙන්...
No comments:
Post a Comment